విద్యా నగర్ పార్క్‌లో వైభవంగా ఆషాఢమాస గోరింటాకు పండుగ

చీకటి వెలుగు నల్లగొండ.

రామగిరి బోయవాడలోని విద్యా నగర్ కాలనీ మహిళలు ఆషాఢ మాస గోరింటాకు పండుగను విద్యా నగర్ పార్క్‌లో వైభవంగా నిర్వహించారు. ఈ వేడుకలో మహిళలు అధిక సంఖ్యలో పాల్గొని గౌరీదేవికి ప్రత్యేక పూజలు నిర్వహించారు. అనంతరం గోరింటాకు చెట్టుకు పూజలు చేసి, గోరింటాకును చేతులకు అలంకరించుకుని ఆనందోత్సాహాలతో వేడుకను జరుపుకున్నారు.విద్యానగర్ పార్క్ డెవలప్‌మెంట్ కమిటీ ఆధ్వర్యంలో పాల్గొన్న మహిళలందరికీ ఘనంగా భోజన ఏర్పాట్లు చేశారు. ఈ కార్యక్రమంలో అబ్బిగోని కవితా రమేష్, చికిలం సంధ్యారాణి, గాయత్రి, గోవిందమ్మ, పద్మ, రజనీ, లీలాదేవి, లక్ష్మి, ఉమ, సత్తెమ్మ, భవాని, రేణుక, నీలిమ, యాదమ్మ,విజయలక్ష్మి,రజిత, గీత,తులసి తదితరులు పాల్గొన్నారు.