విద్యారంగ సమస్యల పరిష్కారానికి టీపీయూఎస్ ‘ఛలో హైదరాబాద్’ పోస్టర్ ఆవిష్కరణ

చీకటి వెలుగు – నల్గొండ:

విద్యారంగం, ఉపాధ్యాయుల సమస్యల పరిష్కారం, పీఆర్సీ అమలు, పెండింగ్ డీఏల విడుదలలో ప్రభుత్వం అలసత్వం ప్రదర్శిస్తోందని నిరసిస్తూ తెలంగాణ ప్రాంత ఉపాధ్యాయ సంఘం (TPUS) ఆధ్వర్యంలో ఆగస్టు 1న నిర్వహించనున్న ‘ఛలో హైదరాబాద్ – మహా ధర్నా’ కార్యక్రమానికి సంబంధించిన పోస్టర్‌ను నల్గొండలో ఆవిష్కరించారు.

ఈ సందర్భంగా టీపీయూఎస్ జిల్లా అధ్యక్షుడు బత్తిని భాస్కర్ గౌడ్, జిల్లా ప్రధాన కార్యదర్శి రేణికుంట్ల రాజశేఖర్ మాట్లాడుతూ, ఉపాధ్యాయుల సమస్యల పరిష్కారం, పీఆర్సీ అమలు, పెండింగ్ డీఏల విడుదల వంటి డిమాండ్ల సాధన కోసం చేపడుతున్న ఈ మహా ధర్నాలో ప్రతి ఉపాధ్యాయుడు తప్పనిసరిగా పాల్గొని ప్రభుత్వంపై ఒత్తిడి తీసుకురావాలని పిలుపునిచ్చారు.

ఈ కార్యక్రమంలో రాష్ట్ర శిక్షణ కో-కన్వీనర్ రవీందర్, రాష్ట్ర కార్యదర్శి ఇరుగు శ్రీరాం, రాష్ట్ర వెబ్ కో-కన్వీనర్ కంచనపల్లి విజయ్ కుమార్, జిల్లా కార్యవర్గ సభ్యులు, వివిధ మండలాల అధ్యక్షులు, ప్రధాన కార్యదర్శులు, టీపీయూఎస్ నాయకులు, సభ్యులు పాల్గొన్నారు.