మట్టి విగ్రహాల తయారీపై ఉచిత శిక్షణా శిబిరం

చీకటి వెలుగు నల్లగొండ.

పర్యావరణ పరిరక్షణలో భా2గంగా మట్టి విగ్రహాల తయారీపై విద్యార్థులు, మహిళలకు ఉచిత శిక్షణా శిబిరాన్ని నిర్వహించారు. సత్య డెంటల్ హాస్పిటల్ ఆధ్వర్యంలో నిర్వహించిన ఈ కార్యక్రమంలో సుమారు 150 మంది విద్యార్థులు, మహిళలకు మట్టి విగ్రహాల తయారీపై శిక్షణ అందించారు.
కార్యక్రమానికి ముఖ్యఅతిథిగా నల్లగొండ మున్సిపల్ కార్పొరేషన్ మేయర్ బుర్రి చైతన్య శ్రీనివాస్ రెడ్డి హాజరై జ్యోతి ప్రజ్వలన చేసి శిక్షణా శిబిరాన్ని ప్రారంభించారు. ఈ సందర్భంగా ఆమె మాట్లాడుతూ పర్యావరణానికి హాని కలిగించని మట్టి విగ్రహాల తయారీని ప్రోత్సహించాల్సిన అవసరం ఉందన్నారు. విద్యార్థులు, మహిళలు ఇలాంటి శిక్షణను సద్వినియోగం చేసుకుని పర్యావరణ పరిరక్షణలో భాగస్వాములు కావాలని సూచించారు.
ఈ సందర్భంగా అరుణ్ జ్యోతి లోకండే విద్యార్థులు, మహిళలకు మట్టి విగ్రహాల తయారీ విధానంపై శిక్షణ ఇచ్చారు. మట్టి విగ్రహాల తయారీ, వాటికి ఆకృతులు ఇవ్వడం, రంగులు అద్దడం తదితర అంశాలను ప్రాక్టికల్‌గా వివరించారు.
ఈ కార్యక్రమంలో వేదాంతం, పాఠశాల కరస్పాండెంట్ సత్యనారాయణ రెడ్డి, డాక్టర్ అరవింద్ రెడ్డి, గణేష్ ఉత్సవ కమిటీ సభ్యులు హరీ రామ్ కృష్ణ, సతీష్, అనీష్ తదితరులు పాల్గొన్నారు.