గంధవారిగూడెంలో మహిళలకు ఇందిరమ్మ చీరల పంపిణీ

ప్రజాపాలన–ప్రగతి ప్రణాళిక 99 రోజుల కార్యాచరణ ప్రణాళికలో భాగంగా బుధవారం నల్గొండ మున్సిపల్ కార్పొరేషన్ 9వ డివిజన్ పరిధిలోని గంధవారిగూడెం ప్రభుత్వ పాఠశాలలో ఇందిరమ్మ చీరల పంపిణీ కార్యక్రమం నిర్వహించారు.

స్థానిక కార్పొరేటర్ బాణావతి దీప్లా ఆధ్వర్యంలో జరిగిన ఈ కార్యక్రమంలో నగర మేయర్ శ్రీమతి బుర్రి చైతన్య శ్రీనివాస్ రెడ్డి ముఖ్య అతిథిగా పాల్గొని, ఇందిరా మహిళా శక్తి పథకం కింద అర్హులైన మహిళలకు ఇందిరమ్మ చీరలను పంపిణీ చేశారు.

ఈ సందర్భంగా మహిళల సంక్షేమం, సాధికారత కోసం ప్రభుత్వం అమలు చేస్తున్న పథకాలను సద్వినియోగం చేసుకోవాలని మేయర్ సూచించారు.

ఈ కార్యక్రమంలో మాజీ మున్సిపల్ చైర్మన్ బుర్రి శ్రీనివాస్ రెడ్డి, మాజీ కౌన్సిలర్ ప్రదీప్ నాయక్ తదితరులు పాల్గొన్నారు.