చంద్రంపేట ఉన్నత పాఠశాలలో జాతీయ గణిత దినోత్సవం ఘనంగా నిర్వహణ

నవీన్ కుమార్, చీకటి వెలుగు : రాజన్న సిరిసిల్ల జిల్లా, సిరిసిల్ల అర్బన్ పరిధిలోని చంద్రంపేట ఉన్నత పాఠశాలలో జాతీయ గణిత దినోత్సవాన్ని శ్రీనివాస్ రామానుజన్ జయంతి సందర్భంగా ఘనంగా నిర్వహించారు. ఈ కార్యక్రమాన్ని పాఠశాల ప్రధానోపాధ్యాయురాలు పద్మ, గణిత ఉపాధ్యాయుడు కొండికొప్పుల రవి ఆధ్వర్యంలో నిర్వహించారు.

ఈ సందర్భంగా ముందుగా గణిత మేధావి శ్రీనివాస్ రామానుజన్ చిత్రపటానికి దండ వేసి ఘన నివాళులు అర్పించారు. అనంతరం విద్యార్థులకు క్విజ్ పోటీలను నిర్వహించి, గెలుపొందిన విద్యార్థులకు బహుమతులు అందజేశారు.

ఈ సందర్భంగా ఉపాధ్యాయులు రామానుజన్ గణిత శాస్త్రానికి అందించిన విశిష్ట సేవలను కొనియాడుతూ, ఆయన జీవితం విద్యార్థులకు ప్రేరణగా నిలుస్తుందని తెలిపారు.

ఈ కార్యక్రమంలో ఉపాధ్యాయ బృందం రవి, మధుసూదన్, ముంజ రమ, మిరియం, లత, త్రివేణి తదితరులు పాల్గొన్నారు. విద్యార్థిని–విద్యార్థులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.