యూనివర్సిటీ సమస్యలపై మంత్రి కోమటిరెడ్డి వెంకట్‌రెడ్డి కు వినతిపత్రం అందజేత

నల్గొండ:

అఖిల భారతీయ విద్యార్థి పరిషత్, మహాత్మా గాంధీ యూనివర్సిటీ శాఖ ఆధ్వర్యంలో నల్గొండలోని రాష్ట్ర రోడ్లు, భవనాలు & సినిమాటోగ్రఫీ శాఖ మంత్రి శ్రీ కోమటిరెడ్డి వెంకట్‌రెడ్డి గారికి యూనివర్సిటీ సమస్యలపై మరియు అభివృద్ధి కార్యక్రమాలపై వినతిపత్రం అందజేయడం జరిగింది.

విద్యార్థుల ప్రధాన అభ్యర్థనలు

సెల్ఫ్ ఫైనాన్స్ కోర్సులను రెగ్యులర్ చేయాలి: ఫీజుల భారం విద్యార్థులపై పడుతున్నందున, కోర్సులను రెగ్యులర్ చేసి పేద విద్యార్థుల భవిష్యత్తుకు తోడ్పడాలని సూచించారు. కొత్త కోర్సులు ప్రవేశపెట్టడం: లా, ఫార్మసీ, బిఈడి, ఎంఈడి, జర్నలిజం వంటి కొత్త కోర్సులు యూనివర్సిటీలో ప్రారంభించాలని అభ్యర్థించారు. స్కై వాక్ ఏర్పాటు: నేషనల్ హైవే సమీపంలో వేలాది విద్యార్థులు యూనివర్సిటీకి రాకపోకలు జరుపుతున్న సమయంలో ప్రమాదాలు జరిగే ప్రమాదం ఉందని, స్కై వాక్ ఏర్పాటు చేయాలని కోరారు. ప్లేస్‌మెంట్ అవకాశాలు: యూనివర్సిటీకి మల్టీ నేషనల్ కంపెనీలను తీసుకురావడం ద్వారా విద్యార్థుల భవిష్యత్తు కోసం అవకాశాలను విస్తరించాలని సూచన.

మంత్రిగారి స్పందన

మంత్రి కోమటిరెడ్డి వెంకట్‌రెడ్డి సానుకూలంగా స్పందించి, వీలైనంత త్వరగా సమస్యలను పరిష్కరిస్తామని హామీ ఇచ్చారు.

కార్యక్రమంలో పాల్గొన్న వారు

ఈ కార్యక్రమంలో యూనివర్సిటీ అధ్యక్షులు హనుమాన్, కార్యదర్శి మోహన్, కో-కన్వీనర్ మౌనేష్, ఉపాధ్యక్షులు విజయ్, సూర్య, విద్యార్థి నాయకులు సంపత్, నరసింహ, సుధీర్, సతీష్, అజయ్, దేవదాస్ తదితరులు పాల్గొన్నారు.