బంగ్లాదేశ్‌లో మీజిల్స్ తీవ్రత పెరుగుతోంది

బంగ్లాదేశ్‌లో మీజిల్స్ వ్యాప్తి ఆందోళన కలిగిస్తోంది. గత 24 గంటల్లో మరో 7 మంది చిన్నారులు మృతి చెందడంతో మొత్తం మరణాల సంఖ్య 324కి చేరినట్లు ఆరోగ్య శాఖ వెల్లడించింది.

గత 52 రోజులుగా మీజిల్స్ మరియు మీజిల్స్ తరహా లక్షణాలతో దేశవ్యాప్తంగా పెద్ద సంఖ్యలో కేసులు నమోదవుతున్నాయి.

కేవలం గత 24 గంటల్లోనే 1,000 మందికి పైగా చిన్నారులు మీజిల్స్ లక్షణాలతో ఆస్పత్రుల్లో చేరినట్లు అధికారులు తెలిపారు.

ఇప్పటికే దేశంలో మీజిల్స్ టెస్టింగ్ కిట్ల కొరత కూడా తీవ్రంగా మారిందని ఆరోగ్య వర్గాలు ఆందోళన వ్యక్తం చేస్తున్నాయి.

వ్యాధి వ్యాప్తిని అరికట్టేందుకు ప్రభుత్వం అత్యవసర చర్యలు చేపడుతోంది.