జిల్లా కాంగ్రెస్ కమిటీ కార్యదర్శిగా గంగుల శ్రీనివాస్ యాదవ్‌కు కీలక బాధ్యతలు..

మాజీ మంత్రి కుందూరు జనారెడ్డి ఆ శాలువాతో ఘన సత్కారం..

చీకటివెలుగు నల్లగొండ

నల్లగొండ జిల్లా కాంగ్రెస్ కమిటీ (డీసీసీ) కార్యదర్శిగా గంగుల శ్రీనివాస్ యాదవ్ నియమితులైన సందర్భంగా ఆయన మాజీ మంత్రి, కాంగ్రెస్ పార్టీ సీనియర్ నాయకుడు కుందూరు జనారెడ్డిని మర్యాదపూర్వకంగా కలిసి ఆశీస్సులు పొందారు. ఈ సందర్భంగా జనారెడ్డి గంగుల శ్రీనివాస్ యాదవ్‌కు శాలువా కప్పి ఘనంగా సత్కరించి హృదయపూర్వక శుభాకాంక్షలు తెలియజేశారు. జిల్లా కాంగ్రెస్ కమిటీలో కీలక బాధ్యతలు దక్కడం పట్ల హర్షం వ్యక్తం చేసిన జనారెడ్డి, పార్టీ అధిష్ఠానం ఆయనపై ఉంచిన నమ్మకాన్ని నిలబెట్టేలా సమర్థవంతంగా పనిచేయాలని ఆకాంక్షించారు.
ఈ సందర్భంగా జనారెడ్డి మాట్లాడుతూ, కాంగ్రెస్ పార్టీ బలోపేతానికి ప్రతి నాయకుడు, ప్రతి కార్యకర్త సమిష్టిగా కృషి చేయాల్సిన అవసరం ఉందన్నారు. గ్రామ స్థాయి నుంచి జిల్లా స్థాయి వరకు పార్టీ కార్యక్రమాలను ప్రజల్లోకి తీసుకెళ్లడంతో పాటు ప్రజా సమస్యల పరిష్కారంలో చురుకుగా వ్యవహరించాలని సూచించారు. పార్టీ సిద్ధాంతాలు, విలువలను ప్రజల్లోకి తీసుకెళ్లే బాధ్యత జిల్లా నాయకత్వంపై మరింతగా ఉంటుందని పేర్కొన్నారు. ప్రజల విశ్వాసాన్ని నిలబెట్టే విధంగా సేవాభావంతో పనిచేస్తే పార్టీకి మరింత బలం చేకూరుతుందని అన్నారు.గంగుల శ్రీనివాస్ యాదవ్ మాట్లాడుతూ, తనకు జిల్లా కాంగ్రెస్ కమిటీ కార్యదర్శి బాధ్యతలు అప్పగించిన పార్టీ రాష్ట్ర నాయకత్వానికి, జిల్లా నాయకత్వానికి కృతజ్ఞతలు తెలిపారు. మాజీ మంత్రి కుందూరు జనారెడ్డి వంటి సీనియర్ నాయకుడి ఆశీస్సులు తనకు మరింత బాధ్యతను గుర్తు చేస్తున్నాయని పేర్కొన్నారు. పార్టీ బలోపేతమే లక్ష్యంగా పనిచేస్తూ, ప్రజా సమస్యల పరిష్కారానికి నిరంతరం కృషి చేస్తానని చెప్పారు. పార్టీ కార్యకర్తలకు ఎల్లప్పుడూ అందుబాటులో ఉంటూ, కాంగ్రెస్ పార్టీ ఆశయాల సాధనకు అంకితభావంతో పనిచేస్తానని స్పష్టం చేశారు.
ఈ భేటీ సందర్భంగా పార్టీ బలోపేతం, రానున్న రాజకీయ పరిణామాలు, ప్రజలకు చేరువయ్యే కార్యక్రమాలపై కూడా చర్చ జరిగినట్లు తెలిసింది. కాంగ్రెస్ పార్టీని జిల్లాలో మరింత బలోపేతం చేయడానికి నాయకులు, కార్యకర్తలు సమన్వయంతో ముందుకు సాగాలని పలువురు అభిప్రాయపడ్డారు.ఈ కార్యక్రమంలో కాంగ్రెస్ నాయకులు కందుకూరి బాబు, బొమ్మనబోయిన సత్యనారాయణ, గోగుల నాగయ్య, దిండి గల సైదులు తదితరులు పాల్గొన్నారు. గంగుల శ్రీనివాస్ యాదవ్‌కు పుష్పగుచ్ఛాలు అందించి శుభాకాంక్షలు తెలియజేశారు.