నేడు ప్రపంచ ఆహార భద్రత దినోత్సవం.. సురక్షిత ఆహారం.. ప్రతి ఒక్కరి హక్కు

ప్రపంచవ్యాప్తంగా నేడు ప్రపంచ ఆహార భద్రత దినోత్సవం (World Food Safety Day) నిర్వహిస్తున్నారు. ప్రజలకు సురక్షితమైన, నాణ్యమైన ఆహారం అందించడంపై అవగాహన పెంచడం ఈ దినోత్సవం ముఖ్య ఉద్దేశ్యం.

ఈ ఏడాది థీమ్ “From Burden to Solutions – Safe Food Everywhere” గా నిర్ణయించారు.

ఆహారం వల్ల కలిగే అనారోగ్యాలు, వాటి ప్రభావం, ప్రాణనష్టాలపై సేకరించిన సమాచారం ఆధారంగా సమర్థవంతమైన, తక్కువ వ్యయంతో కూడిన పరిష్కారాలను అమలు చేయాల్సిన అవసరాన్ని ఈ థీమ్ నొక్కి చెబుతోంది.

సురక్షిత ఆహారం ప్రజారోగ్యానికి మూలస్తంభమని, ఆహార ఉత్పత్తి నుంచి వినియోగం వరకు ప్రతి దశలో భద్రతా ప్రమాణాలు పాటించాలని ఆరోగ్య నిపుణులు సూచిస్తున్నారు.