దేశంలో భారీగా ఆహార ధాన్య నిల్వలు

దేశంలో ఆహార ధాన్య నిల్వలు భారీగా పెరిగాయని కేంద్ర వినియోగదారుల వ్యవహారాలు, ఆహార మరియు ప్రజా పంపిణీ శాఖ మంత్రి ప్రహ్లాద్ జోషి తెలిపారు.

ప్రస్తుతం దేశంలో ప్రభుత్వ ఆహార ధాన్య నిల్వలు 604 లక్షల టన్నులకు పైగా ఉన్నాయని వెల్లడించారు.

ఇది తప్పనిసరి బఫర్ నిల్వ అవసరంతో పోలిస్తే దాదాపు మూడు రెట్లు ఎక్కువగా ఉందన్నారు.

దేశ ఆహార భద్రతను బలోపేతం చేయడానికి కేంద్ర ప్రభుత్వం అవసరమైన చర్యలు తీసుకుంటోందని మంత్రి పేర్కొన్నారు.

ధాన్య నిల్వలు సమృద్ధిగా ఉండటం వల్ల ప్రజా పంపిణీ వ్యవస్థకు ఎలాంటి ఇబ్బందులు ఉండవని తెలిపారు.