ఢిల్లీ ఎయిర్‌పోర్ట్‌లో రెండు విమానాల ఢీ

ఢిల్లీ ఇందిరా గాంధీ అంతర్జాతీయ విమానాశ్రయంలో రెండు విమానాల మధ్య ఢీకొన్న ఘటన చోటుచేసుకుంది.

స్పైస్‌జెట్ విమానం టాక్సింగ్ చేస్తున్న సమయంలో, దాని వింగ్‌లెట్ అకాసా ఎయిర్ విమానం హారిజాంటల్ టెయిల్ సర్ఫేస్‌ను తాకింది.

డైరెక్టరేట్ జనరల్ ఆఫ్ సివిల్ ఏవియేషన్ (DGCA) తెలిపిన వివరాల ప్రకారం, ఈ ఘటన స్పైస్‌జెట్ విమానం కేటాయించిన పార్కింగ్ బేలోకి వెళ్లే సమయంలో జరిగింది.

ఈ ఘటనలో విమానాలకు స్వల్ప నష్టం జరిగినట్లు సమాచారం. ప్రయాణికుల భద్రతకు ఎలాంటి ప్రమాదం లేదని అధికారులు తెలిపారు.

ఘటనపై సంబంధిత అధికారులు దర్యాప్తు ప్రారంభించారు.