దేశవ్యాప్తంగా మిలిటరీ హెల్త్‌కేర్ విస్తరణకు పిలుపు: రాజ్‌నాథ్ సింగ్

రక్షణ మంత్రి రాజ్‌నాథ్ సింగ్ సైనికులకు అత్యుత్తమ వైద్య సదుపాయాలు అందించడం ప్రభుత్వ అత్యున్నత ప్రాధాన్యత అని పేర్కొన్నారు.

న్యూఢిల్లీ లో నిర్వహించిన ఆర్మీ మెడికల్ కార్ప్స్ రైజింగ్ డే కార్యక్రమంలో మాట్లాడిన ఆయన, సైనికులు తీవ్ర వాతావరణ పరిస్థితుల్లోనూ దేశానికి అహర్నిశలు సేవలందిస్తున్నారని కొనియాడారు.

దేశవ్యాప్తంగా సైనికులకు సమానంగా మెరుగైన వైద్య సేవలు అందించాలంటే, ఢిల్లీలో ఉన్న రీసెర్చ్ అండ్ రిఫరల్ హాస్పిటల్ తరహా అత్యాధునిక ఆసుపత్రులను ఇతర ప్రాంతాల్లో కూడా అభివృద్ధి చేయాలని సూచించారు.

అలాగే, మిలిటరీ నర్సింగ్ సర్వీస్ సిబ్బంది మెడికల్ ఫోర్సెస్‌కు బలమైన ఆధారం అని పేర్కొంటూ, వారికి పదవీ విరమణ తర్వాత ఎక్స్-సర్వీస్ మెన్ హోదా కల్పించే నిర్ణయం ప్రభుత్వం తీసుకున్నట్లు తెలిపారు.

ఈ నిర్ణయం ద్వారా నర్సింగ్ సిబ్బందికి గౌరవం పెరుగుతుందని, సంక్షేమానికి దోహదం చేస్తుందని అన్నారు.