గ్లోబల్ టెర్రరిజం ఇండెక్స్‌లో పాకిస్తాన్ మొదటి స్థానం

గ్లోబల్ టెర్రరిజం ఇండెక్స్ (GTI) 2026 ప్రకారం పాకిస్తాన్ తొలిసారిగా ప్రపంచంలోనే ఉగ్రవాద ప్రభావం ఎక్కువగా ఉన్న దేశంగా మొదటి స్థానంలో నిలిచింది. గత ఏడాదితో పోలిస్తే ఉగ్రవాద ఘటనల్లో మరణాలు సుమారు 6% పెరిగినట్లు నివేదిక వెల్లడించింది.

ఇన్‌స్టిట్యూట్ ఫర్ ఎకానామిక్స్ అండ్ పీస్ (IEP) విడుదల చేసిన ఈ నివేదిక ప్రకారం, 2025లో పాకిస్తాన్‌లో 1,139 మంది ఉగ్రదాడుల్లో మరణించగా, మొత్తం 1,045 ఘటనలు నమోదయ్యాయి.

ఈ సంఖ్యలు 2013 తర్వాత అత్యధిక స్థాయికి చేరుకున్నాయని నివేదిక పేర్కొంది. దేశంలో భద్రతా పరిస్థితులు క్రమంగా దిగజారుతున్నాయనే సంకేతాలు ఈ గణాంకాలు చూపిస్తున్నాయి.

పాకిస్తాన్‌లో పెరుగుతున్న ఉగ్రవాద కార్యకలాపాలు ఆ దేశ భద్రతా వ్యవస్థపై తీవ్ర ఒత్తిడిని కలిగిస్తున్నాయని విశ్లేషకులు భావిస్తున్నారు.