మీర్జాపూర్‌లో ఘోర రైలు ప్రమాదం

ఉత్తర్ ప్రదేశ్‌లోని మీర్జాపూర్ జిల్లా – చునార్ రైల్వే స్టేషన్ వద్ద దారుణ రైలు ప్రమాదం చోటు చేసుకుంది.

చోపాన్ ఎక్స్‌ప్రెస్‌ నుండి దిగిన ప్రయాణికులు ట్రాక్ దాటుతూ ఉండగా, వేగంగా వస్తున్న నేతాజీ ఎక్స్‌ప్రెస్‌ రైలు వారిని ఢీకొట్టింది.

ఈ ఘటనలో కనీసం ఆరుగురు మరణించగా, మరికొందరు తీవ్రంగా గాయపడ్డారు.

ప్రమాద సమయంలో ప్రయాణికులు గంగానదిలో కార్తీక పౌర్ణమి స్నానం కోసం చోపాన్ ప్రాంతం నుంచి వారణాసికి బయలుదేరారని అధికారులు తెలిపారు.

ప్రమాదం తరువాత రైల్వే అధికారులు, పోలీసులు ఘటనాస్థలానికి చేరుకుని సహాయక చర్యలు ప్రారంభించారు. గాయపడిన వారిని సమీప ఆసుపత్రులకు తరలించారు.

ఉత్తర్ ప్రదేశ్ ముఖ్యమంత్రి యోగి ఆదిత్యనాథ్ ఈ ఘటనపై తీవ్ర విచారం వ్యక్తం చేశారు. బాధితుల కుటుంబాలకు సానుభూతి ప్రకటిస్తూ, తక్షణ విచారణ ఆదేశాలు జారీ చేశారు.