ఖమ్మం, సూర్యాపేట జిల్లాల్లో విస్తృతంగా పర్యటించిన ‘దొడ్డి కొమరయ్య’ సినిమా బృందం

ఖమ్మం / సూర్యాపేట | జనవరి 9, 2026:

‘దొడ్డి కొమరయ్య’ సినిమా నిర్మాణానికి సంబంధించిన కార్యక్రమాల భాగంగా సినిమా దర్శకులు, నిర్మాణ కమిటీ సభ్యులు ఖమ్మం, సూర్యాపేట జిల్లాల్లో విస్తృతంగా పర్యటించారు.

జనవరి 9, 2026 ఉదయం ఖమ్మం జిల్లాలోని ఖమ్మం పట్టణంలో, ఖమ్మం జిల్లా దొడ్డి కొమరయ్య సినిమా నిర్మాణ కమిటీ చైర్మన్, సహనిర్మాత షేక్ అబ్దుల్ రహమాన్ ఆధ్వర్యంలో సహనిర్మాతల చేరికల కార్యక్రమం నిర్వహించారు. ఈ కార్యక్రమంలో మహబూబాబాద్ జిల్లా దొడ్డి కొమరయ్య సినిమా నిర్మాణ కమిటీ కో-చైర్మన్, సహనిర్మాత రావుల శ్రీనివాస్ తదితరులు పాల్గొన్నారు.

అనంతరం ఉదయం 11 గంటలకు సూర్యాపేట జిల్లా కోదాడ పట్టణానికి చేరుకున్న సినిమా బృందం, కోదాడ నియోజకవర్గ దొడ్డి కొమరయ్య సినిమా నిర్మాణ కమిటీ చైర్మన్, సహనిర్మాత అంకతి అనసూర్య మేడం ఆధ్వర్యంలో మరోసారి సహనిర్మాతల చేరికల కార్యక్రమాన్ని నిర్వహించింది.

ఈ సందర్భంగా ‘దొడ్డి కొమరయ్య’ సినిమాకు సహనిర్మాతలుగా చేరేందుకు ముందుకు వచ్చిన ప్రతి ఒక్కరికీ పేరుపేరునా ప్రత్యేక కృతజ్ఞతలు తెలియజేశారు.

ఈ కార్యక్రమంలో ‘దొడ్డి కొమరయ్య’ సినిమా సహనిర్మాత బుడిగం ఝాన్సీతో పాటు నిర్మాణ కమిటీ సభ్యులు, అభిమానులు పాల్గొన్నారు.