రోడ్డు ప్రమాదంలో తృటిలో తప్పించుకున్న టాలీవుడ్ హీరో విజయ్ దేవరకొండ

జోగులాంబ గద్వాల:

టాలీవుడ్ హీరో విజయ్ దేవరకొండ కారు ప్రమాదానికి గురైన ఘటనలో తృటిలో ప్రాణాపాయం తప్పించుకున్నారు. ఈ ప్రమాదం సోమవారం సాయంత్రం జోగులాంబ గద్వాల జిల్లా ఉందవల్లి వద్ద చోటుచేసుకుంది.

విజయ్ దేవరకొండ పుట్టపర్తి నుండి హైదరాబాద్‌కు తిరిగి వస్తుండగా, ఈ ఘటన జరిగింది. నేషనల్ హైవే–44 పై ఉన్న వరసిద్ధి వినాయక కాటన్ మిల్ సమీపంలో నందికొట్కూరు నుండి పెబ్బైర్ వైపు వెళ్తున్న గొర్రెల లారీ అకస్మాత్తుగా బ్రేకులు వేయడంతో ప్రమాదం జరిగింది.

దీంతో హీరో విజయ్ దేవరకొండ ప్రయాణిస్తున్న కారు, ఎదురుగా వస్తున్న బొలెరో పికప్ వాహనాన్ని ఢీకొట్టింది. ఈ ఘటనలో కారు కొంతమేరకు దెబ్బతిన్నప్పటికీ, విజయ్ దేవరకొండ మరియు వాహనంలో ఉన్నవారికి ఎటువంటి గాయాలు కాలేదు అని సమాచారం.