నల్గొండ జిల్లా: ప్రశాంతంగా ముగిసిన పోలింగ్‌, కౌంటింగ్‌కు కట్టుదిట్టమైన భద్రత

నల్గొండ జిల్లాలో ఎన్నికల పోలింగ్ ప్రక్రియ ప్రశాంతంగా ముగిసింది. ఓట్ల లెక్కింపు ప్రక్రియను జిల్లా ఎస్పీ కమాండ్ కంట్రోల్ రూమ్ నుంచి వెబ్‌కాస్టింగ్ ద్వారా పర్యవేక్షించారు.

కౌంటింగ్ సమయంలో ఎలాంటి అవాంఛనీయ ఘటనలు జరగకుండా కట్టుదిట్టమైన భద్రతా ఏర్పాట్లు చేపట్టారు. ఓట్ల లెక్కింపు సమయంలో గొడవలు లేదా అవాంతరాలు సృష్టించే వారిపై కఠిన చర్యలు తీసుకుంటామని జిల్లా ఎస్పీ హెచ్చరించారు.

గ్రామాల్లో అశాంతి, ఘర్షణలకు అవకాశం ఉన్న వ్యక్తులపై ప్రత్యేక బృందాలతో నిఘా ఏర్పాటు చేశారు. గెలుపొందిన అభ్యర్థులు విజయోత్సవ ర్యాలీలు లేదా ఊరేగింపులు నిర్వహించేందుకు అనుమతి లేదని జిల్లా ఎస్పీ స్పష్టం చేశారు.