నల్లగొండలోని పవన్ మోటార్స్ వద్ద జరిగిన బిసి బంద్ ఘటనతో అర్ధరాత్రి తీవ్ర ఉద్రిక్తత నెలకొంది. బిసి బంద్ సభ్యులు గాజు పగులగొట్టారని ఆరోపణలతో, పవన్ మోటార్స్ యజమాని ఫిర్యాదు మేరకు పోలీసులు నిందితులను అరెస్టు చేశారు.
ఈ అరెస్టులపై నాగం వర్షిత్ రెడ్డి తీవ్రంగా స్పందించారు. ఘటన ఇప్పటికే పరిష్కారమైందని, అయినా పోలీసులు కొమటిరెడ్డి వెంకట్ రెడ్డి ప్రభావంలో పనిచేస్తున్నారని ఆరోపించారు.
అర్ధరాత్రి సమయంలోనే వర్షిత్ రెడ్డి బిసి వర్గాలతో కలిసి పోలీస్ స్టేషన్ ఎదుట ఆందోళన చేపట్టారు. “ఇది బిసి వర్గాలపై అన్యాయం. అరెస్టు చేసిన వారిని వెంటనే విడుదల చేయాలి” అని డిమాండ్ చేశారు.
అయితే పవన్ మోటార్స్ షాపును మూసివేయకపోవడమే వివాదానికి కారణమని, దానికి యాజమాన్యమే బాధ్యత వహించాలన్నారు.
వర్షిత్ రెడ్డి హెచ్చరిస్తూ — “బిసి నాయకులను విడుదల చేయకపోతే రేపటి నుంచే నల్లగొండలో పెద్దస్థాయి పోరాటం మొదలవుతుంది. బిసి వర్గాలు ఇక మౌనం పాటించవు” అని స్పష్టం చేశారు.
Discover more from cheekativelugu.com
Subscribe to get the latest posts sent to your email.
Recent Comments