కస్తూర్బా గాంధీ పాఠశాలకు కంప్యూటర్ మానిటర్ల పంపిణీ

A.K ఫౌండేషన్ – విధ్యేధన్ ఫౌండేషన్ కార్యక్రమం

ప్రభుత్వ పాఠశాలల బలోపేతానికి కృషి చేస్తాం

– A.K ఫౌండేషన్ చైర్మన్, హైకోర్టు న్యాయవాది కట్టెబోయిన అనిల్ కుమార్

హాలియా మున్సిపాలిటీ పరిధిలోని అనుముల మండల కస్తూర్బా గాంధీ బాలికల పాఠశాలలో, A.K ఫౌండేషన్, విధ్యేధన్ ఫౌండేషన్ ఆధ్వర్యంలో విద్యా బంధు కార్యక్రమం భాగంగా, అచెరాన్ సాఫ్ట్‌వేర్ కన్సల్టెన్సీ ప్రైవేట్ లిమిటెడ్ సహకారంతో విద్యార్థుల డిజిటల్ క్లాసుల కోసం 15 కంప్యూటర్ మానిటర్లను ఈరోజు పంపిణీ చేశారు.

ఈ సందర్భంగా A.K ఫౌండేషన్ చైర్మన్, హైకోర్ట్ న్యాయవాది అనిల్ కుమార్ మాట్లాడుతూ—

ప్రతి రంగం కంప్యూటర్‌తో ముడిపడి ఉందని, విద్యార్థులు కంప్యూటర్ నైపుణ్యాలు అభివృద్ధి చేసుకుని కష్టపడి చదివి ఉన్నత స్థానాలను సాధించాలని సూచించారు.

విధ్యేధన్ ఫౌండేషన్ సెక్రటరీ బుర్ల హరిత మాట్లాడుతూ—

బాలికలకు సాఫ్ట్‌వేర్ రంగంలో అవకాశాలు విస్తారంగా ఉన్నాయని, లక్ష్యంతో చదివితే భవిష్యత్తులో మంచి ఉద్యోగాలు పొందవచ్చని తెలిపారు.

ఈ కార్యక్రమంలో పాఠశాల ప్రిన్సిపాల్ కుకడాల హైమావతి, ఉపాధ్యాయులు, విధ్యేధన్ ఫౌండేషన్ సభ్యులు ఆశీష్, వాగ్దేవి, తనిష్కా, A.K ఫౌండేషన్ సభ్యులు మన్నెం కోటి, రావుల రాము యాదవ్, శేఖర్ గౌడ్, గంగుల అంజి యాదవ్, బొమ్మిశెట్టి రామలింగయ్య, పులి నరేష్ తదితరులు పాల్గొన్నారు.