ఆర్టిజన్ సమస్యలపై ఎమ్మెల్యే రాజగోపాల్ రెడ్డిని కలిసిన విద్యుత్ కార్మికులు

📍 మునుగోడు / నల్గొండ

తెలంగాణ విద్యుత్ ఆర్టిజన్ ఉమ్మడి నల్గొండ జిల్లా ఉద్యోగులు గౌరవ మునుగోడు ఎమ్మెల్యే శ్రీ కోమటిరెడ్డి రాజగోపాల్ రెడ్డి గారిని కలిసి ఆర్టిజన్ కార్మికుల సమస్యలను వివరించారు.

ఈ సందర్భంగా ఎమ్మెల్యే రాజగోపాల్ రెడ్డి గారు మాట్లాడుతూ, కార్మికుల డిమాండ్లు న్యాయమైనవని పేర్కొన్నారు. వాటిని ట్రాన్స్కో CMD మరియు విద్యుత్ శాఖ మంత్రి బట్టి విక్రమార్క గారి దృష్టికి తీసుకెళ్లి, సమస్యల పరిష్కారానికి చర్యలు తీసుకుంటానని హామీ ఇచ్చారు.

ఈ కార్యక్రమంలో JAC రాష్ట్ర నాయకులు చింత ఎల్లయ్య, జిల్లా చైర్మన్ జిట్టబోయిన లింగస్వామి యాదవ్, కన్వీనర్ మద్ది శ్రీనివాస్ యాదవ్, కోశాధికారి విశ్వం, జిల్లా నాయకులు చంద్రశేఖర్ రెడ్డి, రమేష్, వేణుగోపాల్ రెడ్డి, పెరికా శేఖర్, మల్లేష్, ఉత్తం తదితరులు పాల్గొన్నారు.