నల్లగొండలో మున్సిపల్ ఎన్నికలు ప్రశాంతంగా పూర్తి

నల్లగొండ నగర పాలక సంస్థ పరిధిలో నిర్వహించిన మున్సిపల్ ఎన్నికల ప్రక్రియ ప్రశాంతంగా, సజావుగా పూర్తైంది. పోలింగ్ నిర్వహణ నుంచి కార్పొరేటర్ల ప్రమాణ స్వీకారం వరకు, అనంతరం మేయర్ మరియు డిప్యూటీ మేయర్ పరోక్ష ఎన్నికల దశలు విజయవంతంగా ముగిశాయి.

ఈ సందర్భంగా మంత్రి కోమటిరెడ్డి వెంకట్ రెడ్డి మరియు జిల్లా కలెక్టర్ చంద్రశేఖర్ ఎన్నికల నిర్వహణలో పాల్గొన్న అధికార యంత్రాంగాన్ని అభినందించారు. రిటర్నింగ్ అధికారులు, సహాయ రిటర్నింగ్ అధికారులు, పోలింగ్ సిబ్బంది, పోలీస్ శాఖ మరియు మున్సిపల్ సిబ్బంది సమన్వయంతో కట్టుదిట్టమైన భద్రతా ఏర్పాట్లు చేపట్టి ప్రజాస్వామ్య ప్రక్రియను విజయవంతం చేసినందుకు ప్రత్యేకంగా ప్రశంసించారు.

ఎన్నికల విజయానికి సహకరించిన ప్రతి ఒక్కరికీ కృతజ్ఞతలు తెలియజేస్తూ, భవిష్యత్తులో కూడా ఇదే విధమైన నిబద్ధతతో విధులు నిర్వహించాలని సూచించారు.