నల్గొండ పట్టణంలో ఆధ్యాత్మిక శోభ..!

నల్గొండ పట్టణం వెంకటేశ్వర కాలనీలోని పంచముఖ హనుమాన్ దేవాలయంలో భక్తుల జయజయధ్వానాల నడుమ 18 అడుగుల విరాట హనుమంతుని విగ్రహ ప్రతిష్ట ఘనంగా నిర్వహించారు.

వేద మంత్రోచ్చారణలు, ప్రత్యేక పూజా కార్యక్రమాల మధ్య ఆధ్యాత్మిక వాతావరణంలో విగ్రహ ప్రతిష్ట కార్యక్రమం విజయవంతంగా పూర్తయింది. ఈ కార్యక్రమానికి భారీగా భక్తజనం తరలివచ్చారు.

జై శ్రీరాం నినాదాలతో వెంకటేశ్వర కాలనీ పరిసరాలు మారుమ్రోగాయి.

ప్రాంత ప్రజలతో పాటు హనుమాన్ భక్తులు పెద్ద సంఖ్యలో పాల్గొని ప్రతిష్ట కార్యక్రమాన్ని ఘనంగా విజయవంతం చేశారు.

భక్తి.. శక్తి.. విశ్వాసానికి నిలువెత్తు నిదర్శనంగా

వెంకటేశ్వర కాలనీ పంచముఖ హనుమాన్ దేవాలయం నిలిచింది.