26వ డివిజన్ కార్పొరేటర్ టికెట్ ఆశిస్తున్న మొహమ్మద్ సుజావుద్దీన్

నల్లగొండ:
నల్లగొండ పట్టణంలోని 26వ డివిజన్‌కు చెందిన మొహమ్మద్ సుజావుద్దీన్ కాంగ్రెస్ పార్టీ నుంచి కార్పొరేటర్ టికెట్ ఆశిస్తూ ముందుకు వచ్చారు.

ఈ సందర్భంగా ఆయన మాట్లాడుతూ, రాజకీయ పదవిగా కాకుండా ప్రజలకు సేవ చేసే బాధ్యతగా ఈ అవకాశాన్ని భావిస్తున్నట్లు తెలిపారు. తనకు ప్రజాసేవపై గట్టి నిబద్ధత ఉందని, అవకాశం లభిస్తే నిజాయితీగా పనిచేస్తానని అన్నారు.

డివిజన్‌లో రోడ్లు, డ్రైనేజీ, తాగునీరు, పారిశుద్ధ్యం, విద్య, యువతకు ఉపాధి వంటి మౌలిక సమస్యల పరిష్కారానికి ప్రాధాన్యం ఇస్తానని చెప్పారు. ప్రజల సమస్యలే తన సమస్యలుగా భావించి, సమగ్ర అభివృద్ధికి కృషి చేస్తానని స్పష్టం చేశారు.

రాజకీయ అనుభవం, ఆధునిక ఆలోచనలతో 26వ డివిజన్‌ను ఆదర్శ డివిజన్‌గా తీర్చిదిద్దడమే తన లక్ష్యమని పేర్కొన్నారు. ఈ క్రమంలో ప్రజల ఆశీర్వాదం, సహకారం అందించాలని ఆయన కోరారు.