షెడ్యూల్–I నుంచి నల్గొండ తొలగింపు, షెడ్యూల్–IIలో చేర్పు

హైదరాబాద్:

తెలంగాణ మునిసిపాలిటీస్ చట్టం, 2019కు సంబంధించి ప్రభుత్వం తెలంగాణ గెజిట్ ఎక్స్‌ట్రార్డినరీ, పార్ట్ IV-Bలో మరో కీలక సవరణను ప్రకటించింది.

ఈ సవరణ ప్రకారం, ప్రధాన చట్టంలోని షెడ్యూల్–Iలో, సెక్షన్ 3(2) కింద పేర్కొన్న “XXII నల్గొండ” శీర్షికలో ఉన్న సీరియల్ నంబర్ 86 మరియు దానికి సంబంధించిన అన్ని నమోదులు తొలగించబడ్డాయి.

అదేవిధంగా, ప్రధాన చట్టంలోని షెడ్యూల్–IIలో కూడా మార్పులు చేపట్టారు. సీరియల్ నంబర్ 15 తరువాత క్రింది వివరాలతో కొత్త సీరియల్ నంబర్ 16ను చేర్చారు.

జిల్లా: నల్గొండ మునిసిపాలిటీ: నల్గొండ వార్డుల సంఖ్య: 48

ఈ సవరణతో నల్గొండ మునిసిపాలిటీని షెడ్యూల్–I నుంచి తొలగించి, షెడ్యూల్–IIలో చేర్చినట్లు అధికారికంగా ప్రకటించారు.

ఈ నోటిఫికేషన్‌ను బి. పాపి రెడ్డి, ప్రభుత్వ కార్యదర్శి (లీగల్ అఫైర్స్, లెజిస్లేటివ్ అఫైర్స్ అండ్ జస్టిస్), న్యాయశాఖ విడుదల చేశారు. ఈ మార్పులు తెలంగాణ మునిసిపాలిటీస్ (తృతీయ సవరణ) చట్టం, 2026లో భాగంగా అమల్లోకి వచ్చాయి.