SLBCలో టిబిఎం (టన్నెల్ బోరింగ్ మెషిన్) తొలగింపు పూర్తి

SLBC ప్రాజెక్టులో టిబిఎం (టన్నెల్ బోరింగ్ మెషిన్) తొలగింపు ప్రక్రియ విజయవంతంగా పూర్తైంది. నాగర్‌కర్నూల్ జిల్లా మన్నెవారిపల్లిలోని ఔట్‌లెట్ వైపు టిబిఎం తొలగించారు. ఆధునాతన గ్యాస్ కట్టర్ల సహాయంతో టిబిఎంను భాగాలుగా కట్ చేసి బయటకు తరలించారు. గత నెలరోజులపాటు సిబ్బంది నిరంతర శ్రమతో ఈ క్లిష్ట ప్రక్రియను పూర్తి చేశారు. మన్నెవారిపల్లి నుంచి టిబిఎం ద్వారా ఇప్పటికే 20.43 కిలోమీటర్ల మేర టన్నెల్ తవ్వకం పూర్తైంది. 2023 నుంచి ఔట్‌లెట్ వైపు బేరింగ్ రిపేర్ కారణంగా టన్నెల్ తవ్వకం నిలిచిపోయింది. “బ్రహ్మగిరి” ఇన్‌లెట్ వైపు జరిగిన ప్రమాదం నేపథ్యంలో, ఇకపై డ్రిల్లింగ్–బ్లాస్టింగ్ పద్ధతిలో పనులు కొనసాగించాలని ప్రభుత్వం నిర్ణయించింది.