బహిరంగ ప్రదేశాల్లో పుట్టినరోజు వేడుకలు నిర్వహించిన ఆకతాయిలపై రూరల్ పోలీసుల కొరడా!

జిల్లా ఎస్పీ శరత్ చంద్ర పవార్ ఆదేశాల మేరకు నల్లగొండ జిల్లాలో పోలీసులు ప్రత్యేక డ్రైవ్ నిర్వహించారు.

ఐటీ హబ్ సమీపంలోని రోడ్డుపై కారుతో బర్త్‌డే సెలబ్రేషన్స్ నిర్వహిస్తూ రోడ్డుపై కేకులు కట్ చేసి పార్టీలకు పాల్పడుతున్న యువకులను పోలీసులు అదుపులోకి తీసుకున్నారు. ఈ ఘటనలో కారును సీజ్ చేసి, సంబంధిత వ్యక్తులను అరెస్ట్ చేశారు.

సమాచారం అందుకున్న వెంటనే రూరల్ ఎస్‌ఐ సైదా బాబు సంఘటనా స్థలానికి చేరుకుని పరిస్థితిని అదుపులోకి తీసుకున్నారు.

బర్త్‌డే గిఫ్ట్‌గా ఊహించని విధంగా పోలీసుల ఎంట్రీ జరగడంతో వేడుకలు ఒక్కసారిగా ఆగిపోయాయి.

కారులో ఉన్న ఇద్దరు యువకులను అదుపులోకి తీసుకుని పోలీసులు కౌన్సిలింగ్ నిర్వహించారు.

ప్రజా భద్రతకు భంగం కలిగిస్తూ బహిరంగ ప్రదేశాల్లో పార్టీలు, కేక్ కటింగ్‌లు నిర్వహిస్తే కఠిన చర్యలు తప్పవని పోలీసులు హెచ్చరించారు.

— రూరల్ ఎస్‌ఐ సైదా బాబు ☝️