యూనియన్ మంత్రి ప్రహ్లాద్ జోషి కి ఘన స్వాగతం తెలిపిన డా. నాగం వర్షిత్ రెడ్డి

నల్గొండ పట్టణం:

భారతీయ జనతా పార్టీ నల్గొండ జిల్లా అధ్యక్షుడు డా. నాగం వర్షిత్ రెడ్డి, వినియోగదారుల వ్యవహారాలు, ఆహార మరియు ప్రజా పంపిణీ శాఖ కేంద్ర మంత్రి గౌరవనీయ శ్రీ ప్రహ్లాద్ జోషి గారిని నల్గొండ పట్టణంలోని ఎన్.జి. కళాశాలలో (N.G. College) చేరుకున్న సందర్భంగా ఘనంగా ఆహ్వానించి స్వాగతం తెలిపారు.

జిల్లా పర్యటనలో భాగంగా మంత్రి ప్రహ్లాద్ జోషి గారు ప్రజలకు అందుతున్న రేషన్ పంపిణీ విధానాలు, వినియోగదారుల సంక్షేమ కార్యక్రమాలు, కేంద్ర ప్రభుత్వ తీసుకుంటున్న చర్యలను సమీక్షించడానికి నల్గొండకు విచ్చేశారు. కళాశాల ప్రాంగణానికి చేరుకున్న వెంటనే డా. నాగం వర్షిత్ రెడ్డి గారు శాలువా కప్పి, పుష్పగుచ్ఛం అందించి సాదర స్వాగతం చెప్పారు.

ఈ సందర్భంగా మాట్లాడుతూ డా. వర్షిత్ రెడ్డి గారు జిల్లా ప్రజలు ఎదుర్కొంటున్న రేషన్ పంపిణీ సమస్యలు, వినియోగదారుల ఫిర్యాదులు, పారదర్శక వ్యవస్థ అవసరాన్ని మంత్రివర్యులకు వివరించారు. గ్రామీణ మరియు పట్టణ ప్రాంతాల అభివృద్ధికి BJP కార్య కర్తలు కట్టుబడి ఉంటారని తెలిపారు.

కేంద్ర మంత్రి ప్రహ్లాద్ జోషి గారు తెలంగాణ రాష్ట్రానికి కేంద్ర ప్రభుత్వం తగిన సహకారం అందిస్తుందని, ముఖ్యంగా పబ్లిక్ డిస్ట్రిబ్యూషన్, రైతుల సంక్షేమం, వినియోగదారుల రక్షణకు ప్రత్యేక చర్యలు తీసుకుంటామని హామీ ఇచ్చారు.

కార్యక్రమంలో పలువురు పార్టీ నాయకులు, కార్యకర్తలు, కళాశాల అధ్యాపకులు మరియు స్థానిక ప్రజలు పాల్గొన్నారు. భవిష్యత్తులో ప్రజా సేవల మెరుగుదలపై చర్చలు జరిపి కార్యక్రమాన్ని ముగించారు.