“అర్హత కలిగిన ప్రతివ్యక్తికి సంక్షేమ ఫలాలు” – దేవరకొండ ఎమ్మెల్యే నేనావత్ బాలునాయక్

దేవరకొండ వ్యవసాయ మార్కెట్ యార్డ్ ఆవరణలో నేడు సీఎం రిలీఫ్ ఫండ్, షాది ముబారక్, కళ్యాణలక్ష్మి పథకాల కింద చెక్కుల పంపిణీ కార్యక్రమం నిర్వహించారు. ఈ కార్యక్రమానికి దేవరకొండ ఎమ్మెల్యే శ్రీ నేనావత్ బాలునాయక్ గారు ముఖ్య అతిథిగా హాజరై లబ్ధిదారులకు స్వయంగా చెక్కులు అందించారు.

🔹 సీఎం రిలీఫ్ ఫండ్ కింద 250 మందికి ₹1,18,00,000 విలువైన చెక్కులు

🔹 షాది ముబారక్ & కళ్యాణలక్ష్మి పథకాల కింద ₹75,00,000 విలువైన చెక్కులు పంపిణీ

ఈ సందర్భంగా ఎమ్మెల్యే బాలునాయక్ గారు మాట్లాడుతూ — “ప్రజా ప్రభుత్వంలో అర్హత కలిగిన ప్రతివ్యక్తికి సంక్షేమ పథకాల ప్రయోజనాలు తప్పనిసరిగా చేరాలనే సంకల్పంతో ప్రభుత్వం కృషి చేస్తోంది” అన్నారు.

అలాగే:

ఇందిరమ్మ ఇండ్లు, సన్నబియ్యం పంపిణీ, కొత్త రేషన్ కార్డుల మంజూరు, విద్యా–ఆరోగ్య పథకాల సమర్థవంతమైన అమలు

— వంటి రంగాల్లో ప్రభుత్వం స్పష్టమైన దిశగా ముందుకు సాగుతోందని పేర్కొన్నారు.

🔸 “ప్రజల సమస్యల పరిష్కారంలో అధికారులు మరింత చురుకుగా వ్యవహరించాలి” అని సూచించారు.

ఈ కార్యక్రమంలో వివిధ మండలాల ఎంఆర్వోలు హనుమంతు శ్రీనివాస్ గౌడ్, మధుసూదన్ రెడ్డి, జయశ్రీ, హర్షద్ మహమూద్, ప్రశాంత్, మండల పార్టీ అధ్యక్షులు, కాంగ్రెస్ పార్టీ సీనియర్ నాయకులు, యువజన కాంగ్రెస్ నాయకులు, స్థానిక ప్రజాప్రతినిధులు మరియు లబ్ధిదారులు పెద్ద సంఖ్యలో పాల్గొన్నారు.