ముగిసిన నామినేషన్ల పరిశీలన – 126 మంది అభ్యర్థుల నామినేషన్లు సక్రమం: ఎన్నికల అధికారి జి. వెంకట్రాం రెడ్డి

చౌటుప్పల్ పురపాలక సంఘం రెండవ సాధారణ ఎన్నికల ప్రక్రియలో అత్యంత కీలకమైన నామినేషన్ల పరిశీలన (స్క్రూటినీ) కార్యక్రమం శనివారం ప్రశాంతంగా ముగిసింది.

స్థానిక ఎన్నికల రిటర్నింగ్ అధికారి కార్యాలయంలో నిర్వహించిన ఈ ప్రక్రియను రెవెన్యూ డివిజనల్ అధికారి (RDO) గారు స్వయంగా పర్యవేక్షించారు. 20 వార్డుల పరిధిలో వివిధ రాజకీయ పార్టీలకు చెందిన 126 మంది అభ్యర్థులు మొత్తం 191 సెట్ల నామినేషన్ పత్రాలు సమర్పించారు.

అభ్యర్థులు సమర్పించిన ధ్రువీకరణ పత్రాలు, సాంకేతిక అంశాలను నిశితంగా పరిశీలించిన అనంతరం, మొత్తం 126 మంది అభ్యర్థుల నామినేషన్లు సక్రమంగా ఉన్నట్లు ఎన్నికల అధికారులు (ROలు, AROలు) ధ్రువీకరించారు.

RDO గారు మరియు మున్సిపల్ కమిషనర్ గారి పర్యవేక్షణలో, అభ్యర్థుల సమక్షంలోనే ఈ పరిశీలన పారదర్శకంగా జరిగింది. ఎటువంటి అవాంఛనీయ సంఘటనలు జరగకుండా పోలీస్ బందోబస్తు మధ్య ప్రక్రియను విజయవంతంగా పూర్తి చేశారు.

ఈ సందర్భంగా RDO శేఖర్ రెడ్డి గారు మరియు మున్సిపల్ కమిషనర్ జి. వెంకట్రాం రెడ్డి గారు, ఎన్నికల నిబంధనలను తూచా తప్పకుండా పాటిస్తూ, పూర్తి పారదర్శకతతో స్క్రూటినీ నిర్వహించినట్లు తెలిపారు.