నల్గొండ మేత్రాసనంలో క్రీస్తు జన్మ వార్షికోత్సవ జూబిలీ వేడుకలు ఘనంగా

నల్గొండ మేత్రాసనం ఆధ్వర్యంలో క్రీస్తు జన్మ వార్షికోత్సవ జూబిలీ వేడుకలు – రెండు వేల ఇరవై ఐదు డిసెంబర్ పందొమ్మిది తేదీన నల్గొండలోని మరియాగిరి శ్రైన్ లో ఘనంగా నిర్వహించబడ్డాయి. ఈ కార్యక్రమం ఉదయం తొమ్మిది గంటల నుండి సాయంత్రం నాలుగు గంటల వరకు కొనసాగింది.

ఈ వేడుకలకు గురువులు, ఫాదర్లు, సన్యాసులు, ఉపాధ్యాయులు, భక్తులు, యాత్రికులు పెద్ద సంఖ్యలో పాల్గొని జూబిలీ వేడుకలను భక్తిశ్రద్ధలతో నిర్వహించారు.

ఈ సందర్భంగా కరణం ధామన్ కుమార్ ఎంఎస్‌ఎఫ్‌ఎస్ “నల్గొండ పీఠాధిపతుల గొప్పతనం” అనే అంశంపై ప్రసంగిస్తూ, నల్గొండ మేత్రాసన ప్రధాన పాద్రుల సేవాభావం, ఆధ్యాత్మిక నాయకత్వం గురించి వివరించారు. విశ్వాసులకు దిశానిర్దేశం చేసే స్థంభాలుగా వారు నిలిచారని అన్నారు.

“ఆశతో ప్రయాణం” అనే జూబిలీ ప్రధాన సందేశంతో నిర్వహించిన ఈ కార్యక్రమం జూబిలీ రెండు వేల ఇరవై ఐదు – ఆశ యాత్రికులు అనే భావనను ప్రతిబింబించింది. క్రీస్తు జన్మ వేడుకల సందర్భంగా భక్తులు ప్రార్థనలు చేసి జూబిలీ ఆశీర్వాదాలను స్వీకరించారు.

ఈ జూబిలీ వేడుకలకు హాజరైన గురువులు, సోదరులు, సన్యాసులు, ఉపాధ్యాయులు మరియు విశ్వాసులకు నిర్వాహకులు హృదయపూర్వక స్వాగతం పలికి, వారి సహకారంతో కార్యక్రమం విజయవంతంగా పూర్తయిందని తెలిపారు.