నల్గొండ గడియారం సెంటర్లో డివైఎఫ్ఐ నిరసన

నల్గొండ పట్టణంలోని కేంద్ర గడియారం సెంటర్‌లో ఏర్పాటు చేసిన గడియారాలు కొన్నినెలలుగా పనిచేయకపోయినా, వాటిని పట్టించుకోకుండా వదిలేసిన మున్సిపాలిటీ అధికారుల నిర్లక్ష్యాన్ని నిరసిస్తూ డివైఎఫ్ఐ ఆధ్వర్యంలో ఈరోజు గడియారం సెంటర్లో నిరసన కార్యక్రమం నిర్వహించారు.

ఈ సందర్భంగా డివైఎఫ్ఐ రాష్ట్ర ఉపాధ్యక్షులు మల్లం మహేష్ మాట్లాడుతూ –

➡️ “కోట్లాది ఆదాయం వచ్చే మున్సిపాలిటీ చిన్న చిన్న పనులు కూడా చేయకపోవడం విచారకరం.”

➡️ “దశాబ్దాల చరిత్ర కలిగిన ఈ గడియారం సెంటర్‌లో కనీసం గడియారాలు రిపేర్ చేయించలేని స్థితిలో అధికారులు ఉన్నారు.”

➡️ “సెల్‌ఫోన్లు అందుబాటులో లేని కాలంలో ఈ గడియారం ఆధారంగా ప్రజలు సమయానుసారం తమ పనులను చేసేవారు. చరిత్రకు గుర్తుగా నిలిచిన ఈ గడియారాలను వెంటనే పునరుద్ధరించాలి.” అని డిమాండ్ చేశారు.

ఈ కార్యక్రమంలో

డివైఎఫ్ఐ నల్గొండ జిల్లా ఉపాధ్యక్షులు గుండాల నరేష్,

జిల్లా కమిటీ సభ్యులు పాలాధి కార్తీక్,

నాయకులు బాలరాజు, యువరాజ్, లక్ష్మణ్, రవి, మహేష్, రాము, హరీష్ తదితరులు పాల్గొన్నారు.