పీఆర్ ఇంజినీరింగ్ శాఖలో 618 ఖాళీలు… ఏఈఈ, ఏఈ పోస్టుల భర్తీకి ప్రతిపాదనలు

తెలంగాణ రాష్ట్ర పంచాయతీరాజ్ ఇంజినీరింగ్ విభాగంలో భారీగా ఖాళీలు ఉన్నట్లు వెల్లడైంది. మొత్తం 1,375 పోస్టులు మంజూరు కాగా ప్రస్తుతం 799 మంది మాత్రమే విధులు నిర్వహిస్తున్నారు.




దీంతో దాదాపు 42 శాతం పోస్టులు ఖాళీగా ఉన్నాయని అధికారులు తెలిపారు. ప్రస్తుతం ఉన్న ఖాళీలు మరియు రాబోయే రిటైర్మెంట్లను కలిపి మొత్తం 618 పోస్టులు ఖాళీగా ఉన్నట్లు గుర్తించారు.




ఈ ఖాళీలను భర్తీ చేసేందుకు ప్రభుత్వం ప్రతిపాదనలు సిద్ధం చేసినప్పటికీ, నోటిఫికేషన్ ఎప్పుడు విడుదల అవుతుందో ఇంకా స్పష్టత లేదు.




ఇందులో ముఖ్యంగా 464 ఏఈఈ (Assistant Executive Engineer) పోస్టులు ఖాళీగా ఉండగా, 154 ఏఈ (Assistant Engineer) పోస్టులను కూడా భర్తీ చేయాల్సి ఉంది.




సిబ్బంది కొరత కారణంగా ఒకే ఇంజినీర్ రెండు, మూడు మండలాలకు ఇన్‌చార్జ్‌గా పనిచేయాల్సి వస్తోందని, దీని వల్ల పనుల నాణ్యతపై ప్రభావం పడుతున్నట్లు అధికారులు తెలిపారు.