నల్లగొండ జిల్లా చిట్యాల మండలం చిన్నకాపర్తి సర్పంచ్ ఎన్నికల సంచలనం – డ్రైనేజీలో వందల స్లిప్స్ లభ్యం
చిట్యాల మండలంలోని చిన్నకాపర్తి గ్రామంలో డ్రైనేజీలో పెద్ద ఎత్తున ఓటు స్లిప్స్ బయటపడటం రాజకీయ కలకలం రేపింది. డ్రైనేజీ నీటిలో కొట్టుకుపోతున్న స్లిప్స్‌పై బీఆర్ఎస్ బలపరిచిన కత్తెర గుర్తుకు ఓటు వేసినట్లు ఉండటంతో అనుమానాలు వ్యక్తమవుతున్నాయి.
ఈ ఘటనపై సంబంధిత ఎన్నికల సహాయక అధికారికి అలాగే స్థానిక పోలీస్ స్టేషన్‌లో ఫిర్యాదు చేసినట్లు గ్రామస్తులు తెలిపారు.
⚖️ ఎన్నికల ఫలితాల తర్వాత వివాదం
నిన్న వెలువడిన ఎన్నికల ఫలితాల్లో
కాంగ్రెస్ బలపరిచిన అభ్యర్థి 455 ఓట్ల మెజారిటీతో బీఆర్ఎస్ బలపరిచిన అభ్యర్థిని ఓడించి గెలుపొందారు.
అయితే, ఈ ఫలితాలను అంగీకరించలేమంటూ బీఆర్ఎస్ బలపరిచిన అభ్యర్థి రుద్రారపు బిక్షం తీవ్ర ఆరోపణలు చేస్తున్నారు. ఎన్నికల్లో రిగ్గింగ్ జరిగిందని, తమకు చెందిన ఓటు స్లిప్స్‌ను కావాలనే డ్రైనేజీలో పడేశారని ఆయన ఆరోపించారు.
🚨 దర్యాప్తు కోరుతున్న స్థానికులు
ఈ ఘటనపై పూర్తి స్థాయి విచారణ జరిపించాలని, బాధ్యులపై కఠిన చర్యలు తీసుకోవాలని గ్రామస్తులు మరియు బీఆర్ఎస్ నాయకులు డిమాండ్ చేస్తున్నారు. అధికారులు ఘటనను సీరియస్‌గా తీసుకుని పరిశీలిస్తున్నట్లు సమాచారం.